अशीही एक रात यावी

अशीही एक रात यावी
तुझ्या प्रेमात मी भिजुनी जावी
चांदण्यांचा प्रकाश असावा
तुझा हात माझ्या हातात असावा
दोघांनीही नुसतच चालत रहायच
वाहणाऱ्या वाऱ्याबरोबर झुलत रहायच
तु शांत माझ्याकडे पाहत असलेला
मी निवांत तुझ्या मिठीत विसावलेली
शब्दांची देवाणघेवाण होऊ नये
ओंठातील अबोलाही सुटु नये
पैजणाचा आवाज होऊ नये
चंद्रावरचा डागही कोणाला दिसु नये
दोघांचीही मन संथ पाण्याप्रमाणे व्हावीत
मनावर उठणारे भावनांचे तरंग विरळ व्हावीत
सुख-दुःखाचा गाळ क्षणभर तळाशी बसावा
अश्या ह्या राती मी तुझी आणि तु माझा असावा...