विसरले नाही..

दगडाच्या देवाला पूजताना,
माणसातील देव पाहण विसरले नाही
नात्यातील गुंता सोडवताना,
भावनांचा आदर करण विसरले नाही

नियतीच्या घावांना झेलताना,
जगण्याचा आनंद लुटण विसरले नाही
रडण नशीबी आल,
तरी खळखळुन हसण विसरले नाही

आपला अहंकार चेपताना
स्वभिमानाला जपण विसरले नाही
पारीजातकाचा सुगंध घेताना
त्याच्या इवल्यशा जीवनरेषेला विसरले नाही

अमावस्येच्या रात्री झुरताना
पौर्णिमेच चांदण विसरले नाही
वैशाखात तापताना
'वर्षा'तील गारवा विसरले नाही

स्वप्नामध्ये रमताना
वास्तवातील सत्याला विसरले नाही
भविष्याकडे बघताना
वर्तमान काळातील जगण विसरले नाही

उगवत्या सुर्याच स्वागत करताना
अंधारातील वाटचाल विसरले नाही
कवितेचा छंद जोपासताना,
जीवनाच व्याकरणही विसरले नाही